دوو وڵات هێزه‌كانیان به ته‌واوی له عێراق ده‌كشێننه‌وه
K24- هه‌ولێر:
هه‌ریه‌ك له وڵاتانی ئوسترالیا و نیوزیلاند تواوبوونی ئه‌ركی سه‌ربازه‌كانیان له عێراق راگه‌یاند و بڕیاره هێزەکانیان بە تەواوی لەو وڵاته بکشێننەوە.
لیندا رێینۆڵدس، وەزیری بەرگری ئوسترالیا ئەمڕۆ هەینی رایگەیاند؛ ئەرکی سەربازەکانیان لە عێراق کۆتایی هاتووە و لە داهاتوودا، سەربازەکانیان دەگەڕێننەوە وڵاته‌كه‌یان.
لە دوای هێرشه فراوانەکانی داعش بۆ سەر ناوچە جیاوازەکانی عێراق لە ساڵی 2015، ئوسترالیا و نیوزیلاند لە چوارچێوه‌ی هاوپەیمانێتی نێودەوڵەتی دژی داعش، هێزەکانیان لە کەمپی تاجی لە باکووری بەغدا جێگیر کرد.
H.B