تۆڕێکی بازرگانی و بڵاوکردنەوەی ماددەی هۆشبەر لە دهۆک دەستگیرکران
K24 - هەولێر
تۆڕێکی بازرگانیکردن و بڵاوکردنەوەی ماددەی هۆشبەر لە دهۆک دەستگیرکران، کە لە شەش کەس پێکهاتوون و زیاتر لە نۆ کیلۆگرام ماددەی هۆشبەریان پێبووە.
بنکەی نەهێشتنی ماددە هۆشبەرەکان لە دهۆک رایگەیاند ماوەیەکە ماددەی هۆشبەر چ وەکو بازرگانیکردن، یان وەکو بەکارهێنان و کێشان لەلای گەنجان زیادبووە.
لە راگەیەندراوەکەی بنکەی نەهێشتنی ماددە هۆشبەرەکان لە دهۆکدا هاتووە "لە رێککەوتی 8-6-2020 کارمەندانی بنکەکەمان توانیان لە ئۆپەراسیۆنێکدا تۆڕێکی بازرگانی و بڵاوکردنەوەی ماددەی هۆشبەر دەستگیربکەن".
ئەو گرووپە لەنێو سەنتەری پارێزگای دهۆک دەستگیرکراون، ژمارەی دەستگیرکراوەکان شەش کەسە و بەگوێرەی راگەیەندراوەکە "نۆ کیلۆ و 185 گرام ماددەی هۆشبەریان پێبووە لەجۆری: هیرۆیین، کریستاڵ، حەشیش، تریاک و مەریوانا".
لە لێکۆڵیەنەوە لەگەڵیاندا، تۆمەتبارەکان دانیان بەوەداناوە ویستوویانە ئەو ماددە هۆشبەرانە لەنێو گەنجاندا بڵاوبکەنەوە.
بنکەی نەهێشتنی ماددە هۆشبەرەکان لە دهۆک دەڵێ "کەیسەکیان داوەتە دادگا".
زیاتر لە 9 كیلۆگرام #ماددەی_ھۆشبەر لە #دھۆك دەستی بەسەرداگیرا و شەش كەس بە تۆمەتی مامەڵە پێوەكردنی دەستگیر كران
— Kurdistan24 Kurdish (@kurdistan24tv) June 10, 2020
فۆتۆ: رێژین ئەحمەد pic.twitter.com/C7qzzVmkyL