ته‌ندروستی سلێمانی هۆشداری ده‌دات

پارێزگاری سلێمانی: مه‌به‌ست له‌و رێكارانه‌ بۆ كه‌مكردنه‌وه‌ی رێژه‌ی تووشبوونه‌ به‌ كۆرۆنا
kurdistan24.net

K24- سلێمانی:

دوای لیژنەی باڵای رووبه‌ڕووبوونه‌وه‌ی ڤایرۆسی کۆرۆنا له‌ سلێمانی چەند رێکار و رێنمایەکی نوێی دەرکرد، پارێزگاری سلێمانی دەڵێت: ئامانج لە دەرکردنی ئەو بڕیارانە بۆ ئەوەیە رێژەی تووشبوون بە ڤایرۆسی کۆرۆنا لە سلێمانی کەم ببێتەوە.

هه‌ڤاڵ ئه‌بوبه‌كر، پارێزگاری سلێمانی جه‌خت ده‌كاته‌وه‌، رێکارەکانی ئەوان دەتوانێت رێژەی توشبوون کەم بکاتەوە و دەرفەت دەدات بە ناوەندە تەندروسیتەکان، بۆ ئەوەی لە پاڵ کەم بونەوەی رێژەی تووشبوون چارەسەری بەپەلە و پێویست بۆ تووشبووانی نێو نەخۆشخانەکان بکرێت.

هاوكات عه‌بدوڵڵا ئه‌حمه‌د، جێگری به‌ڕێوه‌به‌ری گشتیی ته‌ندروستی سلێمانی رێکارەکان بۆ قۆناغی ئێستا بە گرنگ دەزانێت، بەڵام گرنگتر لەوە جێبەجێکردنیەتی، هه‌روه‌ها دەڵێت: ھەرکەسێك بە پێچەوانەوە رەفتاری کرد پێویستە سزا بدرێت.

H.B