قایمقامەكانی سنووری ھەولێر ھەڵسەنگاندن بۆ قەدەغەی ھاتووچۆ دەكەن
K24 - ھەولێر
ئەمڕۆ قایمقامەكانی سنووری پارێزگای ھەولێر بە مەبەستی ھەڵسەنگاندن بۆ قەدەغەی ھاتووچۆی كۆدەبنەوە.
نەبەز عەبدولحەمید، قایمقامی ناوەندی ھەولێر بە كوردستان24ی گوت: "ئەمڕۆ كۆبوونەوەی قایمقامەكانی سنووری پارێزگای ھەولێر بەڕێوەدەچێت، بۆ ھەڵسەنگاندنی قەدەغەی ھاتووچۆی سێ رۆژی رابردوو. گفتوگۆ لەسەر جێبەجێكردنی رێكارەكان و ئاستەنگەكان دەكەین".
گوتیشی: "بەپێی ھەڵسەنگاندنی ئێمە تارادەیەكی زۆر باش خەڵك لە ھەولێر پابەندی رێكارەكان بووە".
قایمقامی ناوەندی ھەولێر، ئاماژەی بەوەشكرد: "رێنمایی دراوەتە ھێزە ئەمنییەكان و پێشمەرگە، كە چۆن مامەڵە لەگەڵ دۆخەكە بكەن، بەتایبەتی بۆ حاڵەتی نەخۆش و جوتیاران و ئەو دوكاندار و كاسبكارانەی رێگەپێدراون".