وه‌زاره‌تی ته‌ندرووستی: 12 كه‌س گیانیان له‌ده‌ستدا و 210 كه‌سی دیكه‌ تووشی كۆرۆنا بوون

K24 – هه‌ولێر:

وه‌زاره‌تی ته‌ندرووستی حكومه‌تی هه‌رێمی كوردستان، ئه‌مڕۆ چوارشه‌ممه‌ (22ی ته‌مموز/ یۆلیۆی 2020)، راگه‌یه‌ندراوی 24 كاتژمێری ژماره‌ 148ی بڵاوكرده‌وه‌ و رایگه‌یاند، له‌ كۆی 2 هه‌زار و 295 پشكنینی نوێ، 210 تووشبووی دیكه‌ ده‌ستنیشانكراوون و 143 كه‌س چاكبوونه‌ته‌وه‌ و 12 كه‌سی دیكه‌ به‌ كۆرۆنا گیانیان له‌ده‌ستداوه‌.

به‌ راگه‌یاندنی ئه‌و ئه‌نجامه‌ ژماره‌ی تووشبووان له‌ هه‌رێمی كوردستان گه‌یشته‌ 11 هه‌زار و 571 كه‌س و چاكبوونه‌وه‌ گه‌یشته‌ 6 هه‌زار و 309 كه‌س و مردنیش گه‌یشته‌ 444 كه‌س.