پیاوێک لەنێو باخی گشتیی هەڵەبجە خۆی خنکاند
K24 - هەڵەبجە
پیاوێکی تەمەن 39 ساڵ، بەرەبەیانیی ئەمڕۆ لەنێو باخی گشتیی هەڵەبجە خۆی خنکاند.
رائید بارزان عوسمان، گوتەبێژی پۆلیسی پارێزگای هەڵەبجە بە کوردستان24ـی راگەیاند: "ئەو هاووڵاتییە دانیشتووی گەڕەکی کانی عاشقانە لە هەڵەبجە و تەمەنی 39 ساڵە و کاسب بووە".
لەپاش گەیشتنی تیمی لێکۆڵینەوەی پۆلیسی هەڵەبجە، پەڕاوی لێکۆڵینەوە بۆ رووداوەکە کراوەتەوە. رائید بارزان هەروەها دەڵێ "تائیستا هۆکاری خۆخنکاندنی ئەو هاووڵاتییە ئاشکرا نەبووە".
هـ.ر.