رێواز فایەق بانگهێشتی پەرلەمانتاران دەکات بۆ ئامادەبوون لە کۆبوونەوەی سبەی
K24 - هەولێر
دوای ئەوەی کۆبوونەوەی ئەمڕۆی پەرلەمان لەسەر داواکاریی فراکسیۆنی یەکێتی بۆ سبەی دواخرا، سەرۆکی پەرلەمانی کوردستان لە راگەیەندراوێکدا بانگهێشتی پەرلەمانتاران دەکات بۆ ئەوەی سبەی ئامادەی کۆبوونەوە بن.
دەقی بانگهێشتنامەکەی رێواز فایەق، سەرۆکی پەرلەمانی کوردستان لە ماڵپەری فەرمیی پەرلەمان بڵاوکرایەوە کە تێیدا هاتووە: "سه‌رۆكی په‌رله‌مانی كوردستان بانگهێشتی گشت ئه‌ندامانی په‌رله‌مان ده‌كات بۆ ئاماده‌بوون له‌دانیشتنی ژماره (6)ی ئاسایی خولی به‌هاره له كاتژمێر (11)ـی پێشنیوه‌رۆى رۆژی دووشه‌مه رێكکه‌وتی 2020/7/27".
کۆبوونەوەکەی سبەی پەرلەمان بە هەمان بەرنامەی کار: گفتوگۆکردن لەبارەی سێ پرۆژەیاسا، دەنگدان لەسەر داواکاری دەستلەکارکێشانەوەی پەرلەمانتار، سۆران عومەر و خوێندنەوەی چەند راپۆرتێکی لیژنەکانی پەرلەمان بەئامادەبوونی چەند وەزیرێکی حکومەتی هەرێمی کوردستان، دەبێت.
هـ.ر.
