تەقینەوەیەک لە کرماشان روویدا
K24- هەولێر:
تەقینەوەیەک لە کۆگاکانی نەوتی کرماشان لە رۆژهەڵاتی کوردستان روویدا، زیانی گیانی بەداوەوە نەبووە.
ئاژانسی هەواڵێ رۆیتەرز بڵاویکردووەتەوە، ئاگرەکە بەهۆی تەقینەوەیەک بووە و بەشێکە لە زنجیرە تەقینەوەکانی ئەم دوایەی ئێران.
لە لایەکی دیکەوە، ئاژانسی ئیسنای ئێرانی دەڵێت، شەش تانکەر سووتاون و ئەوەش هۆکاری ئاگرەکە بووە.
ئاماژەی بەوشکردووە، 100 کەس لە پیاوانی بەرگری شارستانی خەریکی کوژاندنەوەی ئاگرەکەن.
لەبارەی زیانە گیانییەکانیش، نووسیویەتی، چەند کەسێک برینداربوون، بەڵام هیچ کەس گیانی لەدەست نەداوە.
لە ماوەی دوو مانگی رابردوو، تەقینەوە و ئاگرکەوتنەوە لە نزیک بنکە سەربازییەکانی ئێران، ناوچە پیشەسازیی و ئەتۆمییەکان روویداوە. رۆژنامەی نیویۆرک تایمزی ئەمەریکیش، ئیسرائیلی بەو رووداوانە تۆمەتبار کرد.
?#فوری: تصاویری دیگر از #انفجار #مخزن_سوخت در منطقه صنعتی شهرک دولت آباد #کرمانشاه
— Freedom Messenger (@freedommesenger) July 28, 2020
نیروهای امداد و آتش نشانی در حال مهار آتش هستند pic.twitter.com/INzfFaM4zo