لە تورکیا چوار ئەندامی بنەماڵەیەک لە بیری ئاودا خنکان
K24 - هه‌ولێر:
لە شارۆچكەى چوكورۆڤاى سەر بە پارێزگاى ئەدەنەى توركيا، لە كاتى بيرهەڵكەندندا چوار ئەندامی یەک خێزان گیانیان لەدەستدا.
ئاژانسی ئەنادۆڵ بڵاویکردەوە: کەسێک بەناوی خەلوق كاراهان كە خەريكى هەڵكەندنى بير بووە کەوتووەتە ناو بیرەکەوە، هەريەك لە كوڕەكەى عومەر كاراهان، هاوسەرەكەى حەوا كاراهان و براكەى سەفا كاراهان چوون بۆ یارمەتیدانی.
هەر چوار کەسەکە لە بیرەکەدا گیانیان لەدەستداوە، پاشان خەڵكى ناوچەكە جەندرمە و بەرگريى شارستانى و تيمى تەندروستييان ئاگادارکردووەتەوە و، تەرمەکانیان دەرهێناونەتەوە.
