ته‌قینه‌وه‌یه‌كی به‌هێز به‌یرووتی هه‌ژاند

دیمه‌نی چركه‌ساتی یه‌كه‌می ته‌قینه‌وه‌كه‌ ببینه‌

K24 – هه‌ولێر:

ته‌قینه‌وه‌یه‌كی به‌هێز، به‌یرووتی پایته‌ختی لوبنانی هه‌ژاند.

میدیای لوبنان بڵاویانكرده‌وه‌، ته‌قینه‌وه‌كه‌ له‌ ده‌روازه‌ی "بیت الوسط"ی به‌یرووت، كه‌ شوێنی نیشته‌جێبوون و مانه‌وه‌ی سه‌رۆك وه‌زیرانی پێشووی لوبنان، سه‌عد حه‌ریرییه‌ روویداوه‌.

ئاماژه‌یان به‌وه‌شداوه‌، ده‌نگی ته‌قینه‌وه‌كه‌ له‌ ته‌واوی به‌یرووت بیستراوه‌.

له‌و باره‌یه‌وه‌ كه‌ناڵی "LBCI" بڵاویكرده‌وه‌، سه‌عد حه‌ریری سه‌لامه‌ته‌ و له‌ په‌یوه‌ندیدایه‌ له‌گه‌ڵ دۆسته‌كانی و هه‌مووانی له‌ سه‌لامه‌تی خۆی دڵنیا كردووه‌ته‌وه‌.