لە رووداوێكی ھاتووچوودا لە سەر رێگای دووكان- سلێمانی 15 كەس بریندار بوون
K24 - ھەولێر:
ئەمڕۆ ھەینی، له سه‌ر رێگه‌ی تابین - دوكانی سه‌ر به پارێزگای سلێمانی 15 كەس له ئه‌نجامی رووداوێكی هاتوچۆ بریندار بوون.
په‌یامنێری كوردستان24 رایگه‌یاند، رووداوەكە بەھۆی پێكدادانی دوو ئۆتۆمبێل بووە، یەكێكیان پاس و ئەوەی دیكەیان سالۆن بووە، له ئه‌نجامدا 15 كەس بریندار بوون و برینی حه‌وت كه‌سیان سه‌خته.
به گوێره‌ی زانیارییه‌كان شەش تیمی ئەمبۆلانس بەپەلە خۆیان گەیاندووەتە شوێنی رووداوەكە بۆ گواستنەوەی بریندارەكان بۆ نەخۆشخانە.