بەوێنە... ئامادەسازی بۆ عاشوورا لە کەربەلا

K24 - هەولێر

ژمارەیەکی زۆر شیعەمەزهەب بەپێچەوانەی رێنماییە تەندروستییەکان و بانگەواز بۆ مانەوە لە ماڵەوە، روویان لە کەربەلا کردووە تاوەکو ئامادەکاری بکەن بۆ رێوڕەسمەکانی عاشوورا.

چاوەڕوان دەکرێت رێوڕەسمی عاشوورا قەرەباڵغترین بۆنەی ئایینی بێت لە جیهانی ئیسلامی، کە بەهۆی ڤایرۆسی کۆرۆنا، ئەمساڵ بەشی زۆری بۆنە و رێوڕەسمە ئایینییەکان قەدەغەکراون، یان بە رێکاری تووندوتۆڵ رێگە بە سازکردنیان دراوە، بەجۆرێک سعودیە ناچاربوو رێگە بە تەنیا 10 هەزار کەس بدات حەج بکەن، ئەمەش کەمترین ژمارەی حاجیان بوو لە مێژوودا.

عاشوورای ئەمساڵ لە 28-8-2020 دەستپێدەکات و تاوەکو 10 رۆژ بەردەوام دەبێت. لەو رێوڕەسمەدا شیعەمەزهەبەکان بە لەخۆدان یادی ئیمام حوسێن دەکەنەوە کە لە شەڕی کەربەلا کوژرا و ماوەی 10 رۆژ شیوەنی بۆ دەگێڕن.