هێزه‌كانی رووسیا له‌ سووریا پردێكی كاتیان له‌سه‌ر رووباری فورات درووست كرد

به‌مه‌به‌ستی گواستنه‌وه‌ی چه‌ك بۆ دێرزوور

K24 – هه‌ولێر:

هێزه‌كانی رووسیا له‌ سووریا، رایانگه‌یاند، توانیویانه‌ پردێكی جووڵاو له‌سه‌ر رووباری فورات درووست بكه‌ن به‌ مه‌به‌ستی گواستنه‌وه‌ی ئۆتۆمبێل و كه‌رسته‌ سه‌ربازییه‌كانیان بۆ شاری دێرزوور.

گوته‌بێژه‌ی هێزه‌كانی رووسیا له‌ سووریا، له‌و باره‌یه‌وه‌، رایگه‌یاندووه‌، ئه‌و هه‌نگاوه‌یان به‌ هاوكاری و هه‌ماهه‌نگی بووه‌ له‌گه‌ڵ هێزه‌كانی سوپای سووریا.

روونیشیكردووه‌ته‌وه‌، ئه‌و پرده‌ چوار مه‌تر و نیوی له‌ قوڵایی ئاوی رووباره‌كه‌یه‌، ئه‌وه‌ش ئاستێكی مه‌ترسیداره‌ و له‌به‌ر پێویستی گواستنه‌وه‌ی پێداویستییه‌كان بۆ دێرزوور ناچار بوونه‌ ئه‌و جۆره‌ پرده‌ بۆ ماوه‌یه‌كی كاتی بخه‌نه‌ خزمه‌ته‌وه‌ و كاری پێ بكه‌ن.