هه‌ده‌په داوای دانوستانی نێوان كورد و توركیا ده‌كات
K24 - ھەولێر:
هه‌ده‌په، بۆ چاره‌سه‌ری پرسی كورد، به ناڕاسته‌وخۆ داوای دانوستان له په‌كه‌كه، حكومه‌تی توركیا و ئۆپۆزسیۆنی ئه‌و وڵاته‌ی كرد.
به‌ڕێوبه‌رایه‌تی هه‌ده‌په له به‌یاننامه‌یه‌كدا رایگه‌یاند، كارده‌كه‌ن بۆ ئه‌وه‌ی له په‌رله‌مانی تووركیا كۆبوونه‌وه‌یه‌ك له‌باره‌ی پرسی كورد ئەنجامبدرێت و له‌و كۆبونه‌وه‌یه‌دا داوا له حكومه‌ت، ئۆپۆزیسیۆن و لایه‌نه‌كانی كوردی بكرێت چاره‌سه‌رێك بۆ پرسی كورد بخه‌نه‌ڕوو.
داوای له ته‌واوی لایه‌نەكانی په‌یوه‌ندیدار به پرسی كورد كرد له پێناو چاره‌سه‌ر و كۆتایهێنان به شه‌ڕو خوێنڕشتن هاوكار بن.