داوای به نۆتهكردنی ئاوازه كوردییهكان دهكرێت
K24 – ھەولێر:
رابەر كوردستانی، بەرھەمی 26 ساڵەی لە بواری دەف و ژەنینی لە كتێبێكدا كۆكردووەتەوە و پێشكەشى فێرخوازانى ئامێری دەف و موزیكی كوردی كردووە. لە ماوەی یەك ساڵ كاركردن و نووسین و كۆكردنەوەی مەقاماتی تایبەت بە تەكیە و خانەقاكانی كوردستان وانەكانی دەف دەكاتە دیارییەك بۆ كتێبخانەی كوردی.
رابەر كوردستانی "نوسەر" گوتی: دەف ئامێرێكی تەواو كوردییە و زۆر پێویست بووە كتێبی بۆ بنووسرێ و مەقاماتیش بە نۆتە بكرێن.
كۆكردنەوەی مەقاماتی تایبەت بە خانەقا و تەكیەكان و بە نۆتەكردنی لە كتێبی "وانەكانی دەف" و باسكردنی مێژووەكەی، ھەر لە سەرەتاوە تا ئێستا خزمەتە بە موزیكی كوردی و فێرخوازانی بواری دەف.
كامەران حەسەن "موزیكژەن" گوتی: ھیوا دەخوازم كار بكرێ بۆ بە نۆتەكردنی ئاوازە كوردییەكانی دیكە و ببنە موڵكی كورد.
ئەم كتێبە جیا لەوەی باس له نیشانەكان و شێوازی گرتنی دەف و چۆنیەتی ژهنینی دەكات. لە ھەمان كاتیشدا یەكەمجارە بە زمانی كوردی و ئینگلیزی و بە شێوازی نۆتە پێشكەشی فێرخوازان و عاشقانى دەف و دەفژەنی دەكرێت.