بەهۆی مەترسیی بوونی بۆمب، بورجی ئیفڵ چۆڵکرا
K24 - هەولێر
دیارترین مۆنیومێنتی فەرەنسا، کە بورجی ئیفڵە لە پاریس، ئەمڕۆ لەگەڵ چەند گەڕەکێکی نزیکی بەهۆی مەترسیی بوونی بۆمبێک چۆڵکران.
کاتژمێر 11:00ـی ئەمڕۆ بە کاتی پاریس (12:00 بە کاتی هەولێر) پۆلیسی پاریس ئاگادارکرایەوە لە بوونی بۆمبێک لەنێو بورجی ئیفڵ.
میدیاکانی فەرەنسا لە زاری سەرچاوەکانیانەوە دەڵێن "پۆلیس لە کەسێکی نەناسراوەوە پەیوەندیی پێوە کراوە و ئاگادارکراوەتە لە بوونی بۆمبەکە لەنێو بورجی ئیفڵ، ئێستاش تیمەکان خەریکی پشکنین و گەڕانن بەدوای ئەو بۆمبەدا".
لەپێناو پاراستنی گیانی خەڵک، لە ئەگەری راستیی هەواڵەکە و بوونی بۆمب، پۆلیس بورجی ئیفڵ و چەند گەڕەکێکی دەوری بورجەکەیان بە خەڵک چۆڵکردووە و پشتێنەیەکی ئەمنییان لە ناوچەکە دروستکردووە.
سەرچاوە: le parisien
دوای ئەوەی کەسێکی نەناسراو پۆلیسی لە بوونی بۆمبێک ئاگادارکردووەتەوە، #بورجی_ئیفڵ لە #پاریس و گەڕەکەکانی نزیکی چۆڵکران. پۆلیس پشتێنەیەکی ئەمنییان لە دەوری ناوچەکە دروستکردووە.
— Kurdistan24 Kurdish (@kurdistan24tv) September 23, 2020
ڤیدیۆ: Amandine Pointel pic.twitter.com/1N55XLmBb8
هـ.ر.