پۆمپێیۆ ھۆشداری توند دەداتە توركیا
K24 – ھەولێر
وەزیری دەرەوەی ویلایەتە یەکگرتووەکانی ئەمه‌ریکا لە بارەی ھاوكاری بازرگانی نێوان توركیا و چین هۆشدارییەکی توند دەداتە ئەنقەرە.
دوای زیادبوونی كاری وەبەرهێنانی و هاوبەشی نێوان حکومەتی تورکیا و کۆمپانیای هواوی چینی، مایک پۆمپێیۆ، وەزیری دەرەوەی ئەمه‌ریکا بە رۆژنامەی "واشنتن ئێکزامینەری" راگەیاندووە؛ تورکیا داتای زۆری خستووەتە بەردەست کۆمپانیای هواوی و واتە، داتاکان گەیشتوونەتە دەست حزبی کۆمۆنیستی چینی، ئەمەش كێشە دێنێتەكایەوە.
پۆمپێیۆ گوتی: نزیکبوونەوەی هواوی و حکومەتی تورکیا هەڕەشە لەسەر ھەبوونی هێزی سەربازی ئەمه‌ریکا لە تورکیا درووست دەکات.
سەرەڕای ناکۆکییەکانی نێوان واشنتن و په‌كین، ئێستا فرۆشتنی بەرھەمەكانی کۆمپانیا چینییەکە لە پلەی دووەمی بەرھەمە پڕفرۆشەکانی تورکیا دێت.