قەرزە دەرەكییەكانی عێراق بە 70 ملیار دۆلار دەخەملێندرێ
K24 - ھەولێر
وەزیری دارایی و ئابووری عێراق بڵاویكردووەتەوە، تەنیا قەرزە دەرەكییەكانی عێراق گه‌یشتووه‌ته 70 ملیار دۆلار.
عەلی عەبدولئەمیرعەلاوی، وەزیری دارایی عێراق لە لێدوانێكیدا رایگەیاند، ئەم قەیرانە داراییەی عێراق پێیدا تێدەپه‌ڕێ، لە ئەنجامی دابه‌زینی نرخی نەوت و كەمبوونەوەی داھاتە نەوتییەكەیەتی، كە بەھۆیەوە ئه‌و قەرزە دەرەكییەكانه‌ی كراون به 60 بۆ 70 ملیار دۆلار دەخەمڵێندرێت .
عەلاوی، راشیگەیاند، پێویستە بە زووترین كات سەرچاوەكانی داھات جۆراوجۆر بكرێن، تاوەكو لەو رێگەیەوە بتوانرێت كورتھێنان پڕبكرێتەوە، بە تایبەت كە وڵاتەكە ساڵانێكە سەرچاوەكانی دیكەی داھاتی پشتگوێ خستووە و بە شێوەیەكی بەرچاو پشتی بە داھاتی نەوتی بەستووە و ئێستاش حكومەت دووچاری قەیرانێك بووەتە، كە ھیچ بژاردەیەكی دیكەی لە بەردەمدا نەماوە بێجگە لە قەرزی ناوخۆیی.