عێراق ئیدانه‌ی هێرشه‌كانی ڤیه‌ننای كرد

K24 – هه‌ولێر:

وه‌زاره‌تی ده‌ره‌وه‌ی عێراق له‌ به‌یاننامه‌یه‌كدا، ئیدانه‌ی هێرشه‌كانی ڤیه‌ننای پایته‌ختی نه‌مسای كرد.

وه‌زاره‌تی ده‌ره‌وه‌ی عێراق، راشیگه‌یاند، به‌غدا به‌ توندی ئیدانه‌ی ئه‌و رووداوه‌ تیرۆریستییه‌ ده‌كات، كه‌ له‌ ڤیه‌ننای پایته‌ختی نه‌مسا روویدا و ژماره‌یه‌ك قوربانی لێكه‌وته‌وه‌.

له‌ به‌یاننامه‌كه‌دا هاتووه‌: پرسه‌ و سه‌ره‌خۆشی ئاراسته‌ی گه‌ل و حكومه‌تی نه‌مسا ده‌كه‌ین و عێراق سووره‌ له‌سه‌ر ره‌تكردنه‌وه‌ی تیرۆر به‌ هه‌موو شێوه‌ و جۆرێكییه‌وه‌ و شانبه‌شانی كۆمه‌ڵگه‌ی نێوده‌وڵه‌تی ده‌وه‌ستین بۆ به‌ره‌نگاربوونه‌وه‌ی تیرۆر.

شه‌وی رابردوو، له‌ ناوه‌ڕاستی "ڤیه‌ننا"ی پایته‌ختی "نه‌مسا" هێرشكرایه‌ سه‌ر په‌رستگایه‌كی سه‌ره‌كی جووله‌كه‌كان و هێرشه‌كه‌ كوژرانی (5) كه‌سی لێكه‌وته‌وه‌.

وه‌زیری ناوخۆی نه‌مسا، "كارل نیهامر" رایگه‌یاند، "تیرۆریستێكی ئیسلامی" به‌رپرسه‌ له‌و هێرشه‌.