فه‌ره‌نسا "گورگه بۆره‌كان"ی قه‌ده‌غه كرد
K24 – هه‌ولێر:
حكومه‌تی فه‌ره‌نسا، به ره‌سمی ناوی رێكخستنی پانتوركی راستڕه‌وی توندڕه‌وی ناسراو به "گورگه بۆره‌كان"ی قه‌ده‌غه كرد.
وه‌زیری ناوخۆی فه‌ره‌نسا، "گیرار دارمانان" له رێی تۆڕی كۆمه‌ڵایه‌تی تویته‌ره‌وه نووسیویه‌تی: "ئه‌مڕۆ به فه‌رمانی سه‌رۆكی وڵات، ئیمانوێڵ ماكرۆن گورگه بۆره‌كانمان قه‌ده‌غه كرد"
هه‌روه‌ها گوتی: ئه‌و گرووپه قه‌ده‌غه‌كراوه رێكخستنێكی توندڕه‌وی توركییه و كار بۆ درووستكردنی رق و جیاكاری ده‌كات و له كرده‌وه‌ی توندوتیژی تێوه‌گلاوه".