كامالا ھاریس: ئابووری دەبووژێنینەوە و نەژادپەرستی ناھێڵین

"بایدن سەرۆكێكی بە ئەزموونە و منیش جێگرێكی باشی ئەو دەبم"
kurdistan24.net

K24 - ھەولێر

كامالا ھاریس، جێگری سەرۆكی ھەڵبژێردراوی ئەمەریكا لە گوتاری سەركەوتنیدا رایگەیاند، جۆ بایدن كەسێكی باشە و دەتوانێت كێشەكانی گەلی ئەمەریكا چارەسەر بكات.

 ئاماژەی بەوەش كرد لەگەڵ بایدن ھەموو ھەوڵێك دەدەن بۆ ئەوەی كۆتایی بە كۆرۆنا بھێنن و ئابووری ببووژیننەوە و نەژادپەرستیش لە وڵات نەھێڵن.

ھاریس، گوتی: "جۆ بایدن، چارەسەری كێشەكان دەكات و سەرۆكێكی خاوەن ئەزموونە، منیش جێگرێكی باشی ئەو دەبم، وەك چۆن ئەو جێگری ئۆباما بوو، كەسێكی دڵسۆز و راستگۆیە".

گوتیشی: "دەست پێدەكەین بۆ ئەوەی ڤایرۆسی كۆرۆنا بنبڕ بكەین و ئابووری ئەمەریكا ببوژێنینەوە و كۆتایی بە نەژادپەرستی بێنین".