توێژهرێكی سیاسی: كتێبی "بۆ مێژوو"ـی سهرۆك بارزانی زۆر پهیامی گرنگی تێدایه
K24 – ههولێر:
لە ھەولێر بە ئامادەبوونی ژمارەیەك لە توێژەر و مامۆستایانی زانكۆ، لە لایەن لێكۆڵەر "ھەڵمەت غەریب" خوێندنەوەیەكی سیاسی و مێژوویی بۆ كتێبی سەرۆك بارزانی كرا كە لە ماوەی رابردو چاپ و بڵاو كرایەوە، ھەڵمەت غەریب باسی تایبەتمەندی پەیامەكانی سەرۆك بارزانی لەو كتێبە دۆكیۆمێنتیە كرد و لەگەڵ ئامادەبووان بابەتی ناو كتێبەكەیان زیاتر شیكردەوە.
كتێبێ "بۆ مێژوو"ی سەرۆك بارزانی لە مانگی 10 ی ئەمساڵ بۆ جاری دووەم چاپ و بڵاو كرایەوە لەم كتێبە، كە ھەر لە دابەشبوونی كوردستان لە شەڕی چاڵدێران لە نێوان عوسمانی و سەفەوییەكان دەستیپێكردوە و تێیدا باسی چارەنوسی كورد و لە چوار چێوەی یاسای نێودەوڵەتی و رەھەندە دەستوری و یاساییەكانی ریفراندۆم و پێشێلكارییەكانی دەستووری ھەمیشەیی عێراق و زۆر پرسی دیكە كراوە، بەڵگەیەكی تەواو دیكۆمێنتارییە بۆ مێژوی خەباتی كورد.