رواندز.. تەرمی هاووڵاتیەك بەکوژراوی دۆزرایەوە

چه‌كێكی جۆری كلاشینكۆف له‌ نزیك ته‌رمه‌كه‌ی دۆزراوه‌ته‌وه‌

K24- رواندز:

پۆلیسی رواندز رایگەیاند، ئەمڕۆ تەرمی هاووڵاتیەك کە پیشەی مامۆستایە، به‌كوژراوی دۆزراوەتەوە، چەکێکی جۆری کەلاشینکۆفیش له‌ نزیك تەرمه‌كه‌ی دۆزراوه‌ته‌وه‌.

شەماڵ دێواری، گوتەبێژی پۆلیسی سۆران بە کوردستان24ی راگەیاند، ئەمڕۆ كاتژمێر (12:15)ی نیوەڕۆ، پۆلیسی رواندز ئاگاداركرایەوە بە بوونی رووداوێكی مردن لە رواندز.

هه‌روه‌ها گوتی: تەرمی ئەو هاووڵاتییە بە ناوی (ح س م) لە دایكبووی 1986 پیشە مامۆستا، لە ژوورێكی بەخێوكردنی پەلەوەر لە نزیك ماڵی خۆی لە رواندز دۆزراوەتەوە.

ئاماژه‌ی به‌وه‌شدا، لەسەر فەرمانی دادوەر تەرمەكە رەوانەی پزیشكی دادی كرا لە نەخۆشخانەی ئاشتی لە سۆران و بەپێی لێكۆلێنەوە سەرەتاییەكان، گومان دەكرێ رووداوەكە خۆكوژی بێت و لێكۆڵینه‌وه‌ی پۆلیس له‌ باره‌ی ئه‌و كه‌سه‌ دەستی پێكردووه‌.

H.B