سلۆڤینیا: "حزبوڵڵا"ی لوبنانی رێكخراوێكی تیرۆریستییه‌

هه‌ڕه‌شه‌ له‌ ئاشتی و ئارامی ده‌كات

K24 - هه‌ولێر:

ده‌سه‌ڵاتدارانی سلۆڤینیا رایانگه‌یاند، "حزبوڵڵا"ی لوبنان، رێكخراوێكی "تیرۆریسته‌".

حكومه‌تی سلۆڤینیا له‌ به‌یاننامه‌یه‌كدا رایگه‌یاند، "بڕیاره‌كه‌ له‌گه‌ڵ هه‌ندێك راپۆرتی هه‌ماهه‌نگی چالاكی حزب به‌ده‌ستهاتووه‌".

له‌ راپۆرته‌كه‌دا هاتووه‌: "چالاكییه‌كانی حزبوڵڵا، په‌یوه‌ستن به‌ تاوان و تیرۆری رێكخراو، له‌سه‌ر ئاستی جیهانی".

چاوه‌ڕوان ده‌كرێت سه‌رۆك وه‌زیرانی سلۆڤینیا "جانیز جانزا"، له‌ (8ی كانوونی یه‌كه‌م/ دیسه‌مبه‌ری 2020)، سه‌ردانی ئیسرائیل بكات، بۆ تاوتوێكردنی كڕینی چه‌كی ئیسرائیلی.

سه‌رچاوه‌: ئه‌نادۆڵ