گوته‌بێژی گۆڕان: سبه‌ی شاندێكی پارتی سه‌ردانی سلێمانی ده‌كات
K24- هه‌ولێر:
عەدنان عوسمان، گوتەبێژی بزووتنەوەی گۆڕان لە کۆنفڕانسێکی رۆژنامەوانیدا رایگەیاند، سبەی شاندێکی پارتی دیموكراتی كوردستان سەردانی سلێمانی دەکات و بە جیا لەگەڵ هه‌ریه‌ك له یەکێتی نیشتمانی كوردستان و بزووتنەوەی گۆڕان کۆدەبێتەوە.
گوتەبێژی بزووتنەوەی گۆڕان گوتیشی: سەردانی شاندەکەی پارتی بۆ زەمینەسازییە لەبارەی کۆبوونەوەی سێ قۆڵی پارتی، یەکێتی و گۆڕان، کە بڕیار لە رۆژانی داهاتوودا ئه‌نجام بدرێت.
هه‌روه‌ها گوتی: چاوه‌ڕێ ده‌كرێت كۆبوونه‌وه سێقۆڵییه‌كه‌ی نێوان ئه‌و سێ حزبه، كۆبوونه‌وه‌یه‌كی ئاسایی نه‌بێت، به‌ڵكو په‌نجه ده‌خاته سه‌ر ته‌واوی ئه‌و كێشه و گرفتانه‌ی كه په‌یوه‌ندییان به ژیانی خه‌ڵكی كوردستانه‌وه هه‌یه.
H.B