ئاماری نوێی كۆرۆنا: 201 تووشبوو، 9 مردن
K24 - هه‌ولێر:
وه‌زاره‌تی ته‌ندروستی حكومه‌تی هه‌رێمی كوردستان، ئاماری 24ی كاتژمێری رابردوو تایبه‌ت به كۆرۆنای له هه‌رێمی كوردستان بڵاوكرده‌وه، كه 201 كه‌س تووشی كۆرۆنا بوونه و 9 تووشبووی ڤایرۆسه‌كه‌ش، گیانیان له‌ده‌ستداوه.
به گوێره‌ی ئاماره‌كانی وه‌زاره‌تی ته‌ندروستی، به‌راورد به دوو رۆژی رابردوو، ژماره‌ی تووشبوون زیاتربووه، له به‌رامبه‌ریشدا ژماره‌ی پشكنینه‌كان زیاتر كراون بۆ هاووڵاتیان.
