نێچيرڤان بارزانى جهژنا رۆژى يێن ئێزى پيرۆز دكهت
K24- ههولێر:
ب ههلكهفتنا هاتنا جهژنا رۆژی یێن ئێزی، نێچیرڤان بارزانی، سهرۆكی ههرێما كوردستانێ پهیامهكه پیرۆزباهیێ راستی میرێ ئێزدیان، جڤاتا روحانی و تهڤایا خوشك و برایین ئێزدی ل ههرێما كوردستانێ و سهرانسهری جیهانێ كر.
ئهڤ ژی تهكهستا پهیاما پیرۆزباهیا نێچیرڤان بارزانییه ژ بۆ هاتنا جهژنا رۆژی یێن ئێزی:
جهژنا رۆژى يێن ئێزى، ل رێزداران ميرێ ئێزدييان و بابه شێخ و جڤاتا روحانى و ههموو خوشك و برايێن ئێزدى ل كوردستانێ و ل ههر دهرهكه جيهانێ بن، ب تايبهتى ژى ل ماڵبات و كهسوكارێن قوربانى يێن ئێزدى يێن دهستێ تیرۆرێ، پيرۆز دكهم. هيڤيدارم ئهڤ جهژن و جهژنێن بهێن، ئاراميێ دگهل خۆ بينن و دويماهيا ههموو نهخۆشيان بن، ژيان و ئاڤهدانى ڤهگهڕنه وار و جهێن ئێزدييان و ههموو دهرێن ژبهر شهڕێ تیرۆرێ زيان ديتى و ئاوارهيێن كهمپان ڤهگهڕنه سهر مال و گوند و باژاڕێن خۆ يێن تهنا و ئاڤهدانكرى.
جارهكه دى ژى ههمى ئێزدييان پشتڕاست دكهم كو هندى خوشك و برايهكێ مه يێ ئێزدى وندا، رهڤاندى و بێسهروشوون مابيت، ئهم دێ لسهر ههولێن خۆ يێن رزگاركرن و ڤهگهڕاندن و ئهشكهرهكرنا چارهنڤيسێ وان بهردهوام بين، ههروهها ژى دێ ههموو ههولا دهين و بهردهوام دێ كار كهين داكو كولتوورێ پێكڤهژيانێ و ههڤقهبوولكرنا پێكهاتهیێن ئۆلى و نهتهويى ل كوردستانێ دپاراستى بن و بێنه فرههكرن و كوردستان ههر بمينيت وڵاتێ ههموو پێكهاتهيان.
جهژن پيرۆز بيت و ههر سال ب خێر و خۆشى.
نێچيرڤان بارزانى
سهرۆكێ ههرێما كوردستانێ
2020/12/17
H.B