سەرکردەیەکی میلیشیای سەرایا سەلام کوژرا
K24 – ھەولێر
لەلایەن چەند چەكدارێكی نەناسراو لە دیوانیە تەقە لە سەرکردەیەکی میلیشیای سەرایا سەلام كرا و کوژرا.
سەرچاوەیەکی ئەمنی لە پارێزگای دیوانیە رایگەیاند، سەر لەبەیانی ئەمڕۆ 29/12/2020، لە شارۆچکەی دەغارە لە باکووری شاری دیوانیە، چەند چەکدارێکی نەناسراو، تەقەیان لە رامی شەبانی سەرکردە لە گرووپی سەرایا سەلام کردووە و کوشتویانە.
میلشیای سەرایا سەلام، سەربە رەوتی سەدرە، کە لەلایەن موقتەدا سەدرەوە رێبەری دەکرێت، لە ماوەی رابردووشدا و لەکاتی خۆپیشاندانەکانی ناسرییە و چەند شارێکی دیکەی باشووری عێراق، چەندین پێشێلکارییان دژ بە خۆپیشاندەران ئەنجامدا، کە ژمارەیەک قوربانی لە ریزی خۆپیشاندەران لێکەوتەوە.