ریال مەدرید باشترین یانەی چامپیۆنزلیگە
K24- هەولێر
ماڵپەری فەرمی یوێفا ریزبەندی باشترین یانەکانی چامپیۆنزلیگی لە مێژوودا بڵاوکردەوە و یانەی ریال مەدریدی ئیسپانیا بە 13 ناسناو پلەی یەکەمی ریزبەندیەکەی گرتووە.
ماڵپەری یوێفا ریزبەندی باشترین یانەکانی چامپیۆنزلیگی لە مێژووی پاڵەوانتیەکە لە ساڵی (1950 – 2020 ) بڵاوکردەوە و لە ریزبەندیەکەدا ریال مەدرید بە بەدەست هێنانی 13 ناسناو پلەی یەکەمی ریزبەندیەکەی گرتووە، لە دوای ئەوانیش یانەی بایرن میونشنی ئەڵمانی دێت کە ئەو یانەیە شەش ناسناوی بەدەست هێناوە و خاوەنی پلەی سێیەمی ریزبەندیەکەش یانەی بارسێلۆنای ئیسپانیایە.
بە پێ ئەو ریزبەندیە کە لەسەر داتای یاریی، بردنەوە، دۆڕان و یەکسانبون تۆمار کراوە یانە ئیسپانیەکە خاوەنی 607 خاڵە لە مێژووی چامپیۆنزلیگ و جیاوازی ئەوان و بایرن میونشنی دووەم 112 خالە.
ریزبەندی باشترین یانەکانی چامپیۆنزلیگ:
1- ریال مەدرید 607 خاڵ
2- بایرن میونشن 495 خاڵ
3- بارسێلۆنا 459
4- مانچێستەر یونایتد 380
5- یۆڤێنتۆس 361