وەزارەتی دارایی كاتی دابەشكردنی مووچەی راگەیاند
K24 – ھەولێر
وەزارەتی دارایی و ئابووری حكومەتی ھەرێمی كوردستان رایگەیاند، رۆژی یەكشەممەی داھاتوو دەست بە دابەشكردنی مووچەی وەزارەت و دامەزراوەكان دەكرێت.
سەرچاوەیەك لە وەزارەتی دارایی و ئابووری ئاشكرای كرد: "رۆژی یەکشەممە 2021/1/24، دەست بە دابەشكردنی مووچە دەكرێت".
سەرچاوەكەی وەزارەتی دارایی روونیكردەوە: "دابەشکردنی مووچە و بە لێبڕینی 21% بۆ مووچە خۆرانی ئاسایی و 50% بۆ پلە تایبەتەکان بەهەمان میکانیزمی مانگی پێشوو بەپێی خشتەی پەیڕەوکراو دەبێت".