ژماره‌یه‌ك گه‌نجی سۆران بۆ رزگاركردنی خه‌ڵك گیانی خۆیان ده‌خه‌نه‌ مه‌ترسی

به‌رنامه‌ى سه‌ربازى ونى ئه‌مجاره‌ چیرۆكى چه‌ند گه‌نجێكى شارى سۆران  ده‌گێڕێته‌وه‌ كه‌  بوونه‌ته‌ فریادڕه‌سى رۆح و جه‌سته‌ى  مرۆڤه‌كان، ئه‌م گه‌نجانه‌ شه‌ڕ له‌گه‌ڵ قووڵایى و لێڵى و تاریكى رووبار و زێیه‌ گه‌وره‌كان و چیا سه‌خته‌كان ده‌كه‌ن.

ئه‌و ئاوه‌ مه‌نگ و به‌ هاژه‌ هاژانه‌ , ساڵانه‌ ده‌بنه‌ هۆكارى مه‌رگ و  په‌لكێشكردنى ده‌یان مرۆڤ و خنكانیان.

ئه‌م تیمانه‌ى رزگاركردن, هه‌موو ژیانیان كردووه‌ به‌ قوربانى پاراستنى رۆحى ئه‌و خه‌ڵكانه‌ى كه‌ نزیك ئه‌و مه‌ترسیه‌ ده‌بنه‌وه‌ و هه‌موو كارێك ده‌كه‌ن له‌ پێناو پاراستنى گیانى سه‌لامه‌تیان, كاتێك ژیانیان ده‌كه‌وێته‌ به‌ر مه‌ترسى.

ئه‌وانه‌ش  پیاوانى ژێر ئاون كه‌ ئه‌و مه‌ترسیه‌ له‌ ئه‌ستۆ ده‌گرن.