ژیلا حسەینی

ساڵی 1965 لە شاری سەقزی رۆژھەڵاتی كوردستان لەدایکبووە. لە خیزانێکی سوننەتی و خێزانەکەیان بەگشتی ئەهلی ئەدەب و زانست بوون و شێخ عەبدولقادری باپیری شاعیرو خۆشنووس بووەو (میهران حسەینی) باوکی ژیلا کەسێکی رۆشنبیر بووەو قازی دادگا بووەو هەر لە سایەی ئەودا ژیلا پایە ئەدەبییەکانی خۆی بنیادناوەو تا کۆتایی ژیانی هاوڕاو پشتیوانی ژیلا بووە.

ژیلا لە ناو ئەدەبیاتی کوردی بە فروغی کورد ناسراوەو هەر لە سەرەتای گەنجێتیەوە خەیاڵی داوەتە نووسین و ئەدەبیات و گەورەیی و توانای تێدا دەرکەوتوە لە ژیانی ئەدەبی ژیلادا دوو قۆناغی ئەدەبی هەیە لە یەکەمیاندا زمانی تایبەتی خۆی نەدۆزیووەتەوە زیاتر شیعری بە کێش و سەروا نوسیووەو مەیلێکی رۆمانتیکی هەبووە لە شیعرەکانیداو زۆرتر باسی لە رەنج و داماویی ژنی کردوە لە رۆژگارەکانی خۆیدا، قۆناخی دووەمیش خودی خۆی بوو کە بێ ئارام بە نیگایەکی رەخنەگرانەوە لە نەریت و حاڵەتی باو و یاساکانی پیاو هاتە پێشەوە وەک ئەدەبیات.

شوکردنی بە ئامۆزای خۆی کاریگەری زۆری هەبووە لەسەر ژیان و شیعرەکانی و کە دوای پێنج ساڵ لێک جیا بوونەوەو دوای لە دایکبوونی کچێک بە ناوی زوهرە.

دوو دیوانی شیعریی هەیە بەناوی (گەشەی ئەوین)و (قەڵای راز) و چەند کارێکی تەواو نەکراو وەک کۆمەڵە شیعرێک بۆ منداڵان و وەرگێڕانی چەند شیعرێکی فروغی فەرخزاد بۆ زمانی کوردی، وەرگێڕانی داستانی کورتی (طلب مغفرت)ی صادقی هیدایەت، نووسینی داستانی (برباد رفتە) بە زمانی فارسی کە تائێستا چاپ نەکراوە، کارکردنی لە رادیۆی سنە لە بەرنامەی (ئێمە و گوێگران).

بەداخەوە ساڵی 1996 لە کاتێکدا بەڕێکەوت بەرەو تاران بۆ دیداری شاعیری گەورەی کورد (شێرکۆ بێکەس) بە کارەساتی ئۆتۆمبێل لەگەڵ ژینۆی کچی کە تەمەنی 10 مانگ بووە لە هەڕەتی گەنجێتی و توانای ئەدەبیدا گیان لەدەستدا.