ته‌ندروستی جیهانی: ناوەندی بڵاوبوونەوەی نه‌خۆشی هەوکردنی پەردەی مێشک هەڵەبجەیه
K24 - هەولێر:
تەندروستی جیهانی و وەزارەتی تەندروستی پلانێکی هاوبەش بۆ بەره‌نگاربوونەوەی هەوکردنی پەردەی مێشک بەڕێوەدەبەن.
به‌هۆی به‌رزبوونه‌وه‌ی رێژه‌ی تووشبوون به نه‌خۆشی هه‌وكردنی په‌رده‌ی مێشك، تیمێكی رێكخراوی ته‌ندروستی جیهانی و وه‌زاره‌تی ته‌ندروستی عێراق، سه‌ردانی پارێزگاكانی هه‌ڵه‌بجه و سلێمانییان كرد.
به گوێره‌ی راگه‌یه‌ندراوی رێكخراوی ته‌ندروستی جیهانی، ناوەندی بڵاوبوونەوەی نەخۆشی هەوکردنی پەردەی مێشک، پارێزگای هەڵەبجەیه.
هه‌روه‌ها ئه‌وه‌شی خستووه‌ته‌ڕوو، زۆربەی تووشبووان منداڵانی سەرووی شەش ساڵن و هیچ حاڵەتێکی مردن به نەخۆشییەکه تۆمار نەکراوه و تا دێت رێژه‌كه له پارێزگای هه‌ڵه‌بجه به‌رزده‌بێته‌وه.
دووپاتیشیكرده‌وه، ئاستەنگەکانی وەک کەمیی کارمەندانی تەندروستی و دەرمان لە هەردوو نەخۆشخانەکە هەن.
نیشانەکان:
1- شیرخواردنی کەمدەبێتەوە
2- رشانەوە
3-بێزاری
4- تای بەرز
5-گەشکە
6-لەوانەیه پلەی گەرمی لەشی دابەزێت
7- لەشی نەرم دەبێت
8- شەکرەی خوێنی دابەزێت
9- ئەو بەشەی لە کەللـه‌ی سەردا مەڵاشووی پێ دەڵێن بەرەو دەرەوە دەردەچێت
