عه‌بدولڕه‌زاق شه‌ممه‌ری: سه‌رۆك بارزانی چه‌تری كۆكه‌ره‌وه‌ی هه‌موو لایه‌نه سیاسییه‌كانی عێراقه
شرۆڤه‌كارێكی سیاسی ئاماژه به‌وه ده‌كات، هه‌رێمی كوردستان له سایه‌ی سه‌رۆك بارزانی ڕۆڵی "حه‌به‌شه"ـی هه‌یه و بووه‌ته نوایه‌كی ئارام بۆ هه‌موو عێراقییه‌كان و له‌خۆگرتنی پێكهاته جیاوازه‌كان و سه‌رۆك بارزانیش بووه‌ته "نه‌جاشی"؛ ده‌شڵێت، جێگه‌ی شانازییه و سوپاسگوزاریی خوای گه‌وره‌ن كه كوردستان و عێراق سه‌رۆك بارزانییان هه‌یه.
ڕۆژی هه‌ینی 5ـی ته‌ممووزی 2024، عه‌بدولڕه‌زاق شه‌ممه‌ری، شرۆڤه‌كاری سیاسی تایبه‌ت به كوردستان24 گوتی، سه‌ردانه‌كه‌ی سه‌رۆك بارزانی بۆ به‌غدا له‌م كات و بارودۆخه‌دا بۆ عێراق و هه‌رێمی كوردستان و ئایینده‌ی هه‌ردوولا گرنگه.
عه‌بدولڕه‌زاق شه‌ممه‌ری ئاماژه‌ی به‌وه‌ش كرد، سه‌رۆك بارزانی ڕۆڵی گه‌وره ده‌بینێت له ڕێكخستنه‌وه و یه‌كخستنه‌وه‌ی نێوماڵی سوننه‌كان به‌تایبه‌ت له هه‌ڵبژاردنی سه‌رۆكێكی نوێ بۆ په‌رله‌مانی عێراق.
شه‌ممه‌ری باسی له‌وه‌ش كرد، سه‌رۆك بارزانی چه‌تری كۆكه‌ره‌وه‌ی هه‌موو لایه‌نه سیاسییه‌كانی عێراقه و توانای چاره‌كردنی كێشه‌كانی ته‌نانه‌ت ناو خودی ماڵی سوننه و شیعه‌كانیشی هه‌یه.
ناوبراو جه‌ختیشی كرده‌وه، سه‌رۆك بارزانی به‌هۆی ئه‌زموون و مێژوو و سه‌ركردایه‌تییه‌كه‌یه‌وه كاریگه‌رییه‌كی گه‌وره‌ی له‌سه‌ر سه‌ركرده سیاسییه عێراقییه‌كان هه‌یه و هه‌مووان ئاماده‌ن گوێڕایه‌ڵی بن.
کاتژمێر 11:20 خولەکی پێشنیوەڕۆی چوارشەممە، 03-07-2024، سەرۆک مەسعود بارزانی بە یاوەری شاندێکی باڵای هەرێمی کوردستان گەیشتە فڕۆکەخانەی نێودەوڵەتیی بەغدا و لەلایەن محەممەد ئەلتەمیم و فواد حوسێن، جێگرانی سەرۆکوەزیران و ژمارەیەک لە بەرپرسە حکوومی و سیاسیەکانی عێراق پێشوازیی لێ کرا.
ئەو شاندەی یاوەریی سەرۆک بارزانی دەکات بۆ بەغدا پێکدێت لە: ڕێبەر ئەحمەد، وەزیری ناوخۆی حکوومەتی هەرێمی کوردستان؛ د. ئومێد سەباح، سەرۆکی دیوانی ئەنجوومەنی وەزیران؛ د. عەرەفات کەرەم ستوونی، ڕاوێژکاری سەرۆک بارزانی؛ ئازاد بەرواری و هێمن هەورامی، ئەندامانی مەکتەبی سیاسیی پارتی دیموکراتی کوردستان؛ خالیدە خەلیل، گوتەبێژی بارەگای بارزانی و ژمارەیەکی دیکە لە بەرپرسانی حکوومەتی هەرێمی کوردستان.