وەزارەتی تەندروستی بۆ هاووڵاتییان: تکایە دەرمان بێ ستیکەر بوو مەیکڕن
K24 – هەولێر:
وەزارەتی تەندروستی هاووڵاتییان هۆشیار دەکاتەوە و دەڵێت: تکایە لە هەر شوێنێک دەرمانی بێ ستیکەرتان بینی، خۆتانی لێ بە دوور بگرن و ئاگاداری تیمەکانی چاودێری بکەنەوە.
سێشەممە 20ـی ئابی 2024 وەزارەتی تەندروستی حکوومەتی هەرێمی کوردستان لەمیانەی ڕاگەیەندراوێکدا ئاماژەی بەوە دا، تکایە هاووڵاتییان دەرمان بێ ستیکەر بوو مەیکڕن، ترسناکە و قاچاغە و نایاساییە.
وەزارەتەکە جەخت لەوە دەکاتەوە، کە تاوانی گەورەیە دەرمانی بێ کوالێتی بدرێتە هاووڵاتییان.
هاوکات داواکارە لە هاووڵاتییان لە هەر شوێنێک دەرمانی بێ ستیکەریان بینی، با خۆیانی لێ بە دوور بگرن و ئاگاداری تیمەکانی چاودێری بکەنەوە.
وەزارەتی تەندروستی دەڵێت: "با هەموومان بەشداربین لە ڕێگریکردن لەم جۆرە تاوانە."
