دوو بوومەلەرزە لە باکووری تورکیا ڕوویاندا

دوو بوومەلەرزە لە باکووری تورکیا ڕوویاندا و هیچ زیانێکی گیانی نەبوو، لە ماوەی کەمتر لە مانگێک چەندین جارە لەو وڵاتە دووبارە دەبێتەوە. 

دووشەممە 12ـی ئایاری 2025، کاتژمێر 12:23 خولەک، بوومەلەرزەیەک بە گوڕی 4.4 پلە لە سنووری پارێزگای ئاماسیا لە باکووری تورکیا ڕوویدا، بوومەلەرزەیەکی دیکە لە سنووری هەمان پارێزگا بە گوڕی 4.2  پلە کاتژمێر 12:26 ڕوویدا.

بەرپرسانی کارگێڕی ناوچەکە ڕایانگەیاند: بەشێوەیەکی مەیدانی بەدواداچوون بۆ کاریگەری هەردوو بوومەلەرزەکە کردووە ڕایانگەیاند، هیچ زیانێکی گیانی نەبوو.

لە ماوەی کەمتر لە مانگێکدا ڕوودانی بومەلەرزە لە تورکیا چەند جارێکە دووبارە دەبێتەوە و لە دیارترینیان، 

ڕۆژی چوارشەممە، 23ـی نیسانی 2025، بومەلەرزەیەک بەگوڕی 6.2 پلەی ڕێکختەر ئیستانبوڵی هەژاند و لە ترسی بوومەلەرزەکە هاووڵاتییانی ئیستانبوڵ ڕایانکردە سەر شەقامەکان و ژمارەیەک هاووڵاتییش لە باڵەکۆنەوە خۆیان هەلداو بەهۆیەوە برینداربوون.