Fîlmê “Bextreşê Mezopotamyayê” yekem filmê “Tirsnak“ yê Kurdî ye

K24 – Navenda Nûçeyan

Bextreşê Mezopotamyayê navê fîlmekî Kurdî ye ku çendîn lîstikvanên cîhanî tê de beşdar bûne.

Fîlmê Bextreşê Mezopotamyayê ji derhênana sînemakarê Kurd lewend Omere e ku ji Rojavayê Kurdistanê ye û li derveyî welêt dijî.

Derhênerê fîlmê Lewend Omer ji K24ê re got ku, çêroka fîlmê têkildarê çêroka Kawayê Hesinkar ligel bûyerên niha û tê de  behsa pênc kesan dike ku hemûyan heman xewn heye.

Di wê fîlmê de zêdetir ji 150 lîstikvanên kurd, Amerîkî, Meksîkî, Mexribî, fransî, Felestînî û Czaîrî beşdar in.

Omer got ku, dîmenên fîlmê li Keleha Hewlêr û welatê Urdinê tê kişandin û zêdetir ji mehekê karê wênegirtinê ber xwe dide.

Fîlm ku bi jêrnûsa Kurdî ye, li Dihok,  Silêmanî û Bexda Tê pêşkêşkirin, û hefteyekî jî li Hewlêrê tê pêşkêşkirin.

Derhênerê wî fîlmî dibêje ku, zêdetirî ji 200 hezar dolar li amadekirina fîlmê hatiye xerckirin. Herwiha Omer gilî û gazindan dike ku ti kesî alîkarî pê re nekiriye.  

Derhênerê Bextereşê Mezopotamyayê dibêje ku ew fîlm yekem filmê yê “Tirsnak“ yê Kurdî ye ku bi vê şêweyê hatiye berhemdan.