Zarokên Kobanê li çanda xwe xwedî derdikevin

K24 – Kobanê

Navenda Baqî Xido li Kobanê zarokên biçûk û ciwanên herêmê li ser şano, mûzîk û govendê perwerde dike.

Li bajarê Kobanê yê Rojavayê Kurdistanê, Navenda Baqî Xido ya Çandê dest bi perwerdeya dersên fêrkirina şano, mûzîk, stran û govendê bo zarok û ciwanan kir.

Berpirsên wê navendê ji K24ê re gotin ku, niha nêzîka 60 endamên wê navendê hene û li ser 5 koman hatine dabeşkirin, tevî komeke taybet a kesên kêmendam.

Li gor berpirsên Navenda Baqî Xido , ew hewl didin wê navendê mezin bikin, herwiha navendên din jî li Kobanê vekin daku li zarokên dengxweş bigerin û wan pêş bixin.

Navenda Baqî Xido ser bi Desteya Çand û Perwerdê ya Kantona Kobanê ye, tevî ku Kobanê hatiye wêrankirin lê dîsan xwedî li çanda xwe derdikeve.