Nêçîrvan Barzanî serdana Tirkiyê dike

K24 – Hewlêr

Serokwezîrê Herêma Kurdistanê Nêçîrvan Barzanî îro serdana Tirkiyê dike û li Stenbolê ligel Serokkomarê Tirkiyê Recep Tayyîp Erdogan û Serokwezîr Ahmet Davutoglu dicive.

Di vê derbarê de Sekreterê Rojnamevanî yê Serokwezîrê Herêma Kurdistanê Samî Ergûşî, ragehand ku îro Serokwezîr Nêçîrvan Barzanî serdana Tirkiyê dike û li Stenbolê ligel Serokkomarê Tirkiyê Recep Tayyîp Erdogan û Serokwezîr Ahmet Davutoglu dicive.

Derbarê naveroka civînan de jî Ergûşî got: "Di civînên ligel Serokkomar û Serokwezîrê Tirkiyê de, Nêçîrvan Barzanî çendîn babetên ku peywendiya wan bi pêşhat, rewşa niha ya navçeyê, şerê terorê û peywendiyên navbera Herêma Kurdistanê û Tirkiyê ve heye gotûbêj dike ligel çendîn mijarên din."

Hêjayê gotinê ye 9ê vê mehê Serokê Herêma Kurdistanê Mesûd Barzanî jî serdana Tirkiyê kiribû û ligel Serokkomar û Serokwezîrê Tirkiyê û partiyên Kurdî yên Bakurê Kurdistanê civiya bû.