Siyasî

KCDê azadkirina Ocalan mercekî sereke ji danûstandinan re datîne

Kongreya Civaka Demokratîk (KCD) azadkirina Rêberê Partiya Kerkerên Kurdistanê (PKK) bi mercê sereke yê danûstandinan digel Tirkiyê dibîne.

Kurdistan24 Hewlêr 2015/12/27 14:15

kurdistan KCD Kongre PKK Xweseriya Demokratîk Selma Irmak

K24 – Navenda Nûçeyan

Kongreya Civaka Demokratîk (KCD) azadkirina Rêberê Partiya Kerkerên Kurdistanê (PKK) bi mercê sereke yê danûstandinan digel Tirkiyê dibîne.

Hevseroka KCDê Selma Iramk biryarên ji Kongreya KCDê yak u du rojan berdewam kiribû eşkere kirin, ku daxwaza Xweseriya Demokratîk li Bakurê Kurdistanê kirin.

Irmak, encamnameya civîna du rojan ya KCDê li bara xweseriya demokratîk xwend û ragehand ku, pêwîst e ji bo çarekirina hemû prisgirêkan danûstandinên nivsîkî ji nû bên danîn û azadkirina Rêberê PKKê Abdulah Ocelan jî weke merceke serekî dizane.

Kongreya Civaka Demokratîk KCDê di 26 û 27ê vê mehê li Diyarbekirê bi rojeva Xweseriyê li Diyarbekirê birêve cû û îro bi piraniya dengan ew proje pejrandin.

Herwiha encamên kongreyê, wek ku hatine ragihandin bi vî awayî bû:

“Ji bo yekîtiya Tirkiyeya demokratik û dahatuya gelan a hevpar, ji bo pêkhatina xerêvebiriyên cewherî yên demokratik û çêkirina makezagoneke demokratik, ku van azadî û mafan biparêze, jêneger e. Makezagoneke li gorî van esasan ji bo azadî û jiyaneke demokratik a hemû beşên civakê, etnîsîteyên cuda û komên baweriyan, pêwist e. Pergaleke siyasî, civakî û makezagona ku tenê ji bo neteweyekê, komekê û civakekê jiyaneke azad û demokratik ji xwe re bike armanc û mafên yên din nas neke,divê neye fikirîn. Têkoşîna me ya xweseriyê bi qasî ku ji bo kurdan e, ewqas jî ji bo tirkan û hemû etnîsîteyên din, komên baweriyan, yên nedîtî, bindest û belengazan jî têkoşîna azadî û demokrasiyêye. Em bawerin ku, ev modela me ya xweseriya demokratik ji bo kaos û tevliheviya ku di Rojhilata Navîn têde ye, jî dê bibe mînaka berbiçav a xelasî û jêderkatina ji kaosê. Ev model dê ji bo bi awayekî demokratik çareserkirina piregirêkên welat û heremî yên gelên me ku, ev hezar salin bi hev re dijîn, pêşevaniyê bike.

Herwiha KCDê ji bo “tirkiyeyek demokratîk û çareseriyek siyasî” bang li hemû hêzên demokratik û azadîxwaz,partiyên siyasî, kesyaetî, rîsipî û kom û saziyên olî kir ku, piştgiriyê bidin têkoşîna mefdar û rewa ya gelê kurd.