Encûmena Kendavê derbarê Îranê de dicive

Encûmena Hevkariya Kendavê dê civînek awarte derbarê aloziya Riyad û Tehranê de pêk tîne.

Kurdistan24 Hewlêr 2016/01/05 14:22

rojhilata Navîn Kendava Erebî Îran Sûdiyê

K24- Navenda Nûçeyan

Encûmena Hevkariya Kendavê dê destpêka heftiya bê civîneke awarte derbarê aloziya di navbera Erebistana Siûdiyê û Îranê de lidar bixe.

Sekreterê Giştî yê Encûmena Hevkariya Kendavê, Ebdullefît el-Zeyanî di daxuyaniyeke nivîskî de îro ragihand ku, dê roja Şemiya bê, civîneke awarte derbarê êrîşên li ser balyozxane û konsulxaneya Siûdiyê li Îranî de pêk bîne.

Piştî darvekirina kesayetiya Şîe, Nimir Baqir Nimir ji aliyê Erebistana Siûdiyê ve, li Îranê êrîş kirine ser balyozxane û konsulxaneya Sidûiyê.

Erebistana Sidûiyê jî wek karvedanekê daxwaz ji balyozê Îranê kir ku, di heyama 48 seatan de ji axa Siûdiyê derkeve.

Her yek ji Behrên û Sûdanê jî, balyozên Îranê ji erda xwe derkirin.

Îmarata Erebî jî balyozê xwe ji Îranê vekişand, Kuwêtê jî balyozê xwe ji wî welatî vekişand.