Mislim: Em ji bo Cenêv-3 nehatine vexwendin

Hevserokê PYDê diyar dike ku, bêyî HSD û Kurdan, çareserî li Sûriyê pêk nayê.

Kurdistan24 Hewlêr 2016/01/19 17:55

kurdistan PYD Salih Mislim Cenêv3 Rojavayê Kurdistanê

K24- Navenda Nûçeyan

Hevserokê Partiya Yekîtiya Demokratîk (PYD) eşkere kir ku, heta niha ew ji bo civîna Cenêv-3 nehatine vexwendin.

Hesverokê PYDê, Salih Mislim diyar kir jî ku, ti şandeyeke rejîma Sûriyê serdana Qamişloya Rojavayê Kurdistanê nekiriye û ligel Kurdan neciviya ye.

Salih Mislim ji ajansa Sputinkê re da zanîn jî ku, hê ew ji bo civîna Cenê-3 ya derbarê çareserkirina krîza Sûriyê de nehatine vexwendin.

Eşkere kir jî ku, dê navê nûnerên opozîsyona Sûriyê sibê diyar bibe û hê jî hevdîtina Wezîrê Derve yê Rûsyayê Sergey Lavrov û hevkarê wî yê amerîkî john Kerry didome, ev dê herdu wezîr û nûnerê taybet yê NY li Sûriyeyê Steffan De Mîstura wê biryarê bidin.

Mislim balkişande ser wê yekê jî ku, Tirkiye û Erebistana Siûdiyê naxwazin Kurd li Rojavayê Kurdistanê bigihin statuyekê, ji bo beşdarbûna wan di civîna Cenêv-3 de jî dibin asteng.

Mislim, di mijara rola Rûsyayê de jî got, Rûsya ji destpêka krîza Sûriyeyê di nava mijarê de ye û terorîstan baş dizane. Li gorî texmîna min nêrîna wan nêzîktirê rastiya Sûriyeyê ye û ji bo wê got bêyî kurdan û Hêza Sûriyeya Demokratîk ev hevdîtin û çareseriya siyasî nabe.