Îlhamî Îşik: Siyaset û helwesta PYDê ne Kurdî ye

K24-Stenbol

Rojnamevanê Kurd Îlhamî Îşik ragehand ku, siyaset, Helwest, aqil û mejiyê Partiya Yekîtiya Demokratîk(PYD) ne Kurdî ye.

Derbarê beşdarnebûna PYDê, di kongreya Cenêv3 de, Rojnamevanê Kurd ê Bakurê Kurdistanê Îlhamî Îşik ji K24ê re wiha got: "Her yek ji Rejîma Sûriyê, Rûsya û Îranê dixzwestin ku, Partiya Yekîtiya Demokratîk(PYD) li kongreya Cenêv3 beşdar bibe, wate ew li gel rejîmê ye lewma nehate vexwendin."

Derbarê siyaseta PYDê û astengên li pêşiya beşdarnebûna wê di kongreya Cenêv3 de, Rojnamevan Îlham Îşik ji K24ê re wiha axifî: "Çareserkirina Sûriyê bê Kurdan nabe, lê kîjan aliyên Kurd, eger em bêjin PYDê, siyaset, Helwest, aqil û mejiyê Partiya Yekîtiya Demokratîk(PYD) ne Kurdî ye, lema asteng derdikevin."

Di van çend rojên borî de, kongreya Cenêv3 derbarê kirîza Sûriyê dest pê kir, PYDê jî di wê kongreyê nehate vexwendin, berpirsên PYDê û Encûmena Sûriyê ya Demokratîk jî ragehandin ku ew bi biryarên wê kongreyê ne pabendin .