Xeyrî Bozanî: Heya niha 2377 Êzdî ji Dest Daişê hatine rizgarkirin.
K24- Hewlêr:
Rêvberê Karûbarên Êzdîyan li Wezareta Ewqaf û Karûbarên Ayînî ya Hikumeta Herêma Kurdistanê ragehand: Heya niha (2377) hevwelatîyên Êzdî ji dest çekdarên Daişê hatine rizgarkirin.
Di ragehandineka taybet de bi Kurdistan 24 re, Xeyrî Bozanî, rêvberê Karûbarên Êzdîyan li Wezareta Ewqaf û karûbarên Ayînî ya Hikumeta Herêma Kurdistanê got: Ew hevwelatîyên Êzdî, ewên kevtine di destên Daişê de, hijmara wan (6255) kes bûne. (3455) Ji wan afret bûne û (2800) jî zelam bûne.
Herweha got: Piştî hewlên Nivîngeha Karûbarên Revandîyan û bi hinek rêyên din jî, şîyan (2377) kesan rizgar bikin ku (882) ji wan afretin, (318) jî zelamin , (574) zaro yên mêne û (603) jî zaroyên nêrin.
Herweha Bozanî got: Hijmara ew kesên ku heya niha di destê Daişê de mane (3878) kesin, ku (1999) ji wan afretin û (1879) ên din jî zelamin.