Barzanî û Ebdilmehdî pirsa Mûsilê gotûbêj kirin

K24 – Navenda Nûçeyan

Di hevdîtinekê de Serokê Herêma Kurdistanê Masûd Barzanî ligel serkirdeyê Encûmena Bilind ya Îslamî ya Iraqê Adil Ebdilmehdî de, amadekariyên operesyona rizgarkirina Mûsilê û hevahengiya di navbera hêza Pêşmerge û artêşa Iraqê de, gotûbêj kirin.

Li gor malpera fermî ya Serokatiya Herêma Kurdistanê, ku îro Serokê Herêma Kurdistanê Masûd Barzanî pêşwaziya serkirdeyê Encûmena Bilind ya Îslamî ya Iraqê Adil Ebdilmehdî kir. Barzanî û Ebdilmehdî tekezî li ser diyalog û lihevkirina di navbera aliyan de kirin, bo çareserkirina pirsgirêkan.

Di hevdîtinê de, amaje bi rewşa ewlehî û amadekariyên operesyona rizgarkirina Mûsilê kirin, ku hevahengî di navbera hêza Pêşmerge û artêşa Iraqê de bi girîngî binav kirin.