Li Wanê 2emîn salvegera PAKê hate pîrozkirin

K24 – Wan

Partiya Azadiya Kurdistanê (PAK) di Cotmeha 2014an de hate damezirandin û di Berçeleya 2014an de li Tirkiyê bi awayekî fermî wek partî hate qebûlkirin. Di vê çarçoveyê de li bajarê Wanê 2emîn salvegera damezirandina PAKê hate pîrozkirin.

Pîrozbahî li avahiya PAKê ya rêxistina Wanê bi beşdarbûna rêveberên PAKê, endam û welatiyan ve hate kirin. Di pîrozbahiyê de di derbarê xebat û perspektîfa partiyê de endamê civata PAKê Îsmet Elçî axaftinek kir.

Îsmet Elçî rave kir ku, di hemû çalakî û kêşeyên civakî de PAKê her gav destê xwe yê alikariyê dirêjî hemû kesan kiriye û di serî de li bajarên Bakurê Kurdistanê, her çar parçeyên Kurdistanê cem Kurdan bûne û xebatên xwe kirin e. Elçî axaftina xwe wiha berdewam kir:

“PAKê têkoşîn û destkeftîyên hemû perçeyên Kurdistanê wekî yên xwe dît û got ez partîya azadîya Bakurê Kurdistanê me. Got, ez ne beşeke ji ti partîyên perçeyên din im. Ez ê li ti perçeyên din ê Kurdistanê wekî partîya wan perçeyan rêxistinên xwe daneynim. PAK alîgir, piştgir, hevkar û birayê doza azadiya Kurdistanê ya her perçeyî ye.”