Siyasî

Emar Hekîm projeyeke siyasî li Hewlêrê gotûbêj dike

Serkirdeyê pilebilind yê Encûmena Îslamiya Iraqê û Serokê Hevpeymaniya Niştimanî ya Şîeyên Iraqê Emar Hekîm gihêşte Hewlêrê û ji aliyê Serokê Hikûmeta Herêma Kurdistanê Nêçîrvan Barzanî û Serokê Dîwana Serokatiya Herêma Kurdistanê Fûad Hisên ve hate pêşwazîkirin.

Kurdistan24 Hewlêr 2017/02/04 12:32

kurdistan Hewlêr Mesûd Barzanî Nêçîrvan Barzanî Emar Hekîm Şîe

K24 – Navenda Nûçeyan

Serkirdeyê pilebilind yê Encûmena Îslamiya Iraqê û Serokê Hevpeymaniya Niştimanî ya Şîeyên Iraqê Emar Hekîm gihêşte Hewlêrê û li Firokxaneya Hewlêrê ya Navdewletî ji aliyê Serokê Hikûmeta Herêma Kurdistanê Nêçîrvan Barzanî û Serokê Dîwana Serokatiya Herêma Kurdistanê Fûad Hisên ve hate pêşwazîkirin.

Peyamnêrê K24ê Huşmend Sadiq ragihand, biryar e Emar Hekîm ligel Serokê Herêma Kurdistanê Mesûd Barzanî û hejmarek ji serkirdeyên partiyên siyasî yên Kurdistanê bicive û projeya rêkeftina siyasî ya di navbera aliyên Iraqî de gotûbêj bike.

Berî demekê ev proje ji aliyê Emar Hekîm ve bo aştîkirin û jihevnêzîkirina aliyên siyasî yên Iraqê xistibû nava meydana siyasî ya Iraqê û li Îran û Urdinê jî gutûgo li ser hatibû kirin û pesendkirin, îro jî ligel Kurd li ser wê projeyê gotûbêjan dike.