Emar Hekîm projeya xwe ligel YNKê gotûbêj dike

K24 – Navenda Nûçeyan

Şanda Hevpeymaniya Niştimanî ya Şîeyên Iraqê bi serokatiya Emar Hekîm gihêşte Polîtbîroya Yekîtiya Niştimaniya Kurdistanê (YNK) li Silêmaniyê, biryar e derbarê projeya wan de bi berpirsên YNKê guftûgoyê li ser bike.

Peymanêrê K24ê li Silêmaniyê ragihand, şandeke bilind ya Hevpeymaniya Niştimanî ya Şîeyên Iraqê bi serokatiya Emar Hekîm ligel Kusret Elî Resûl û Mela Bextiyar û hejmareke din ji endamên Polîtbîroya YNKê dicive û guftûgoyê li ser projeya Emar Hekîm y abo aştîkirin û jihevnêzîkirina aliyên siyasî û pêkhateyên Iraqê dikin.

Berî demekê ev proje ji aliyê Emar Hekîm ve bo aştîkirin û jihevnêzîkirina aliyên siyasî yên Iraqê xistibû nava meydana siyasî ya Iraqê û li Îran û Urdinê jî gutûgo li ser hatibû kirin û pesendkirin, niha jî ligel Kurd li ser wê projeyê gotûbêjan dike.

Roja 4 Sibatê Emar Hekîm bi serokatiya şandekê ji Hevpeymaniya Niştimanî ya Şîeyên Iraqê gihêşte Hewlêrê, bo guftûgoyê li wê projeyê bike, bi Serokê Herêma Kurdistanê Mesûd Barzanî û hin aliyên siyasî yên li Hewlêr civiya.