Siyasî

Altan Tan: Erdogan deyndarê Kurdan e

Parlementerê Partiya Demokratîk a Gelan (HDP) Altan Tan dibêje Serokomarê Tirkiyê Recep Tayîp Erdogan deyndarê Kurdan e û divê deynê xwe bide.

Kurdistan24 Hewlêr 2017/04/17 15:35

kurdistan HDP Altan Tan Erdogan Referandûm

K24 – Navenda Nûçeyan

Parlementerê Partiya Demokratîk a Gelan (HDP) Altan Tan dibêje Serokomarê Tirkiyê Recep Tayîp Erdogan deyndarê Kurdan e û divê deynê xwe bide.

Piştî ko encamên referandûmê eşkere bûn, parlementerê HDPê yê Diyarbekirê Altan Tan beşdarî televîzyoneke Tirkî bû û da zanîn ku Kurdan û beşek ji alîgirên HDPê dengê erê bikar anîne.

Altan Tan got ku, li gor encamên referandûmê Erdogan deyndarê Kurdan e. Kurdan Erdoganî xilas kirine û divê Erdogan wefadar be û deynê xwe bide. Ger pêvajoyek nû destpê neke dê dengên AK-Partiyê bi berdewamî kêm bibe.

Di referandûma 16ê Nîsanê de li Bakurê Kurdistanê hejmarek zêde dengên erê derketibûn.