Rûsya pireke leşkerî li ser çemê Ferêt ava dike

K24 – Navenda Nûçeyan

Televisyona Rûsî belav kir, artêşa Rûsyayê pireke leşkerî li ser çemê Ferêt li nêzîkî bajarê Dêrezorê ava kir, ji bo veguhastina otombîlên leşkerî û alîkariyê mirovî.

Rêvebirê dezgeha riyan a di Wezareta Bergiriyê ya Rûsyayî Vladîmîr Borovitsîv di konferaseke rojnamevanî de ragihand, avakirina ew pire di 48 demjimêran de hat avakirin, ku rojê 8 hezar otombîl û tank jî di ser wê pirê re derbas bibin.

Herwiha got jî, ew pire dikare alîkariyên mirovî û nexweş û birîndaran jî veguhêze aliyê din yê çemê Ferêt.

HSDê bi piştevaniya Hevpeymaniya Amerîka ji roja 9 Îlonê ve dest bi operasyonekê li rojhilatê Dêrezorê kiriye. Di heman demê hêzên rêjîma Sûriyê bi piştevaniya Rûsyayê operasyonan li derdora wî bajarî dikin.

Berî demekê jî firokeyên Rûsî û yên hikûmetê bargehên HSD li Dêrazorê bombebaran kiribûn û di encamê de 6 şervanên HSDê birîndar bûn.